زيد الطحانين لبن علي

-يا معلم تفرجت في الو جدة؟!

-تفرجت يا هيكو اصلا ما نتفرج كان عليه وطول نسرح للقهوة .. الواحد ولى يشق فطرو عالشربة والبريك والطحين يا بوقلب ..

-واللهي قلت الحق

-ما غلب عليا كان بياع الشراب .. استفلم لبارح كيما حب 

- تي ظاهرة شلق بيها مالاول كاميرا كاشي .. كهو حب يتصور

-عندك شك؟! هههههههههههه قالك الطرابلسية ما كانوش يدخلوا للكرم وهوا غادي وما عندو بيهم حتى علاقة وهوا مستعرف السنين اللي فاتت الي هوا خدم عند عماد الطرابلسي  في دبو الشراب متاعو في البحر الازرق .. وقالك ممنوع مالسفر ههههههههههههههههههههه

-اي قال اما هبطولو في الفيسبوك تصاورو في مصر .. تلقاه سافر بزداق امو هههههههههه

-يا هيكو يا وخي خلي يشوت مادام الكاج فارغ 

-تي لكلها تشوت

-ياخي اش في بالك انتي!!! في بالك حكاية نظيفة؟! الساعةاكثر كلمة تعاودت ومعلومة يحبوا يزرقوها بالسيف للعباد ويقنعوهم بيها كلمة انقلاااااااااب .. لا ثورة ولا زب العود وبن علي يا محلاه واحنا مخيبنا .. تي شوف حتى الضيوف اللي جايبينهم واللي ناوين يجيبوهم لكلها مناظر الناس كرهتها البعض منو اندثر .. واحد كي دغيج متع زبي من قبل الانتخابات ريحة منظرو ما فماش ولا بن صالحة غاب قد ربطية شيبوب .. عاملين برنامج في قالب فدلكة باش يوصلوا للي يحبو عليه

-لشنوا يحبوا يوصلوا نورني!!

-زيد الطحانين لبن علي ..